باسم ياخور: من أنتم؟

|

وجّه الممثل السوري باسم ياخور رسالة مصوّرة الى من ينتقدوا كل من حولهم في كل الأحوال. وقال في فيديو نشره عبر حسابه على موقع «فيسبوك»: «في ناس اذا مرق جنبهم حدا طويل بيقولوا عنه طولان، وإذا شافوا حدا قصير بيقولوا نصف دكة».


وأضاف: «إذا شافوا حدا ناصح بيقولوا متل البغل رح ينفزر، وإذا شافوا حدا نحيف بيقولوا متل المعسفة نسمة هوا بتطيرو. وإذا مرت وحدة حلوة بيقولوا يقطع عمرها مصنعة تصنيع كلها عمليات تجميل، إذا مرت وحدة ما كتير حلوة بيقولوا يخرب بيتها على هالمنظر تروح تزبط حالها. وإذا شافوا حدا ما كتير بيحكي بيقولوا ما معقول شو ناشف متل قالب البوظ، إذا واحد بيحكي واجتماعي بيقولوا يا لطيف لسانه ما بيفوت لحلقه». وأردف: «اذا حدا حاسب عنن بالقعدة، بيقولوا خاروف اهبل عالبركة، وإذا حدا ما حاسب وكان بيحسبها بيقولوا يا لطيف شو معفن مأنشح انشحة».

وختم: «كرمال الله انتم لي ما بيعجبكم شي... من انتم؟».